[MV欣賞] 張敬軒 - 相對論
2009-06-13

張敬軒衣著方面一向十分含蓄，離不開黑白灰，不過拍攝<相對論>時，導演卻要求配合<相對論>的風情，要造型師找來繽紛色彩的衣又淺藍又粉紅，軒仔笑稱「駕馭」不到，他說:「我之前瘦到成隻馬騮咁，邊夠膽著咁多鮮色野，同埋造型師話我襯斯文Look。上年演唱會增完肥，著鮮色衫都撐得起，首歌又咁熱情，造型師幫我設計左幾個奔放Look，我都豁出去，不過配合音樂同身邊的女郎，畫面好豐富，好靚。大家留意，有條褲仲好貼身，騷Quali。」

剛剛做完林子祥演唱會嘉賓，被林子祥大讚是十分唱得的後輩，而軒仔而表示Lam哥是最作得的唱作人，「佢可以發掘到歌手自己唔知的一面，好似我都冇唱過<相對論>這種拉丁風情的歌，佢對我有信心，作俾我唱，又教我如何拿掐，做出來的效果大家都好滿意。」不過最滿意的應該是公司的老闆，因為前兩個星期<相對論>已經成為香港電臺連續兩星期冠軍，而剛剛又成為新城電臺連續兩星期冠軍，一首歌擇下4個冠軍！而同事們都紛紛向軒仔道謝，因為高層已經為<相對論>一曲的好成績，又萬歲又切燒豬，更指<相對論>一曲有金曲相！軒仔表示:「呢個6月真係幾旺，自己開心，老闆又開心。我就更加財色兼收，因為首歌咁有風情，次次MV都有好多性感女郎陪我跳舞，真係要多謝導演，多謝Lam哥好帶撆。」

0 Comments: Subscribe This Comments(Atom)

Random Related Topic